මහානායක පදවි දරන්නන් පිළිබඳ පිටිදූවේ පකිස් බූරුවාගේ අදහස්

[ කාලය 00:09:21 ]

හරේන්ද්‍ර: අපේ හාමුදුරුවනේ දැං එතකොට ඒ ඔබ වහන්සේ මල්වතු විහාරයට වැඩමවීමත් එක්ක ඊට පෙර ඔබ වහන්සේ මේ සංඝ සමාජයේ ඉහළ තානාන්තර සම්බන්ධයෙන් සිදුකළ ප්‍රකාශත් අවලංගුද?

පිටිදූවේ පකිස් බූරුවා: කිසිම එකක් අවලංගු නෑ. ඒවා හරියටම හරි.

දහමේ තියෙන්නේ මෙහෙමයි. ආනන්ද තෙරුන් වහන්සේ ගෞතම බුදුහාමුදුරුවෝ පිරිනිවන් පාන්න කලින් ඇවිල්ලා අහනවා "ස්වාමීනී දැන් ඔබ පිරිනිවෙනවා. දැං මේ ශාසනය බාරගන්නේ කවුද? අපේ නායකයා කවුද? අපට මඟ පෙන්වන්නා කවුද? අපේ ශාස්තෘවරයා කවුද?". ආනන්ද තෙරුන් වහන්සේට කියන්නේ "ධම්මො ච විනයො ච මමච්චේව [ මමච්චයෙන] සත්ථා". "ආනන්ද මගෙන් පස්සේ ශාස්තෘන් වහන්සේ වෙන්නේ ධර්මය හා විනය.".

මං ප්‍රශ්නයක් අහන්නං. නූතණ ලෝකයේ යුරෝපයේ හා ඇමරිකාව ඇතුළු සියලුම පරිපාලනය පිළිබඳ අළුතින්ම ගෙනාපු සිද්ධාන්තය තමයි පුද්ගල පෞරුෂයේ දුර්වලතා තියෙන නිසා පුද්ගල පෞරුෂයකට නායකත්වය පවරන්නේ නැතුව මතයකට, දර්ශනයකට හා පොදු පිරිසකට නායකත්වය පැවරීම. ඉතින් ඕක ගෞතම බුදුහාමුදුරුවෝ [ කරලා තියෙනවා? ].

හරේන්ද්‍ර මේ බුද්ධාගමේ නායකයෙක් නෑ. බුද්ධාගමේ නායකයා තමයි ධර්මය හා විනය. නායකකම් හදලා තියෙන්නේ පොදු ශාසනික කටයුතු පහසු කරගන්න. පැහැදිලියි කියන එක? දාර්ශනිකව අපි කතා කරනකොට ධර්මය හා විනය. අපි පොදු භාවිත, ශාසන පැවැත්ම කතා කරනකොට තමයි නායකකම් පවතින්නේ.