English
සිංහල
English
සිංහලසදහම් අවබෝධය උතුම්ම සුවයට කරුණු වේ යැයි දකින්නෝ අපගේ ඊමේල් පුවත් ලිපිය ලැබීමට එක්වන්න.
ත්‍රිපිටකයේ විනය පිටකයේ චුල්ලවග්ගපාළියේ සඞ්ඝභෙදකක්ඛන්ධකයෙන් උපුටා ගැනීමක් (271 පිටුව) :
12. එ සමයෙහි වනාහි භාග්‍යවතුන් වහන්සේ රජු සහිත මහත් පිරිසක් විසින් පිරිවරන ලදුව දහම් දෙසමින් හුන්සේක. එ කල්හි දෙව්දත් තෙරණුවෝ හුනස්නෙන් නැඟී උතුරු සඟ එකස් කොට පෙරෙවැ භාග්‍යවතුන් වහන්සේ දෙසට දොහොත් නමා වැඳ, මෙසේ කීය.
“වහන්ස, දැන් භාග්‍යවතුන් වහන්සේ ජීර්ණසේක. වෘද්ධ වූ සේක. මහලු වූ සේක, දීර්ඝ කාලයක් ගත කළසේක, පැසිම් වයසට පැමිණිසේක. භාග්‍යවතුන් වහන්ස, දැන් භාග්‍යවතුන් වහන්සේ මන්දෝත්සාහ වන සේක්වා, දෘෂ්ටධර්‍ම සුඛවිහරණයෙහි (ඵල සමාපත්ති සුවයෙහි) යෙදී වසනසේක්වා. භික්ෂු සඞ්ඝයා මට බාර දෙනසේක්වා. මම් භික්ෂුසඞ්ඝයා පරිහරණය කරන්නෙමි (පාලනය කරන්නෙමි)”යි මෙ බස් කීහ.
“දෙව්දතුනි, කම් නැත. භික්ෂු සඞ්ඝයා පරිහරණය කරන්නට ඔබට රිසි නො වේවා”යි භාග්‍යවතුන් වහන්සේ වදාළසේක.
දෙවෙනි වර ද ... තෙවෙනි වර ද දෙව්දත් තෙරණුවෝ භාග්‍යවතුන් වහන්සේට, “වහන්ස, දැන් භාග්‍යවතුන් වහන්සේ ජීර්‍ණ වූ සේක; වෘද්ධ වූ සේක. මහලු වූ සේක, දීර්ඝ කාලයක් ගත කළසේක, පැසිම් වයසට පැමිණිසේක. භාග්‍යවතුන් වහන්ස, දැන් භාග්‍යවතුන් වහන්සේ මන්දෝත්සාහ වනසේක්වා, දෘෂ්ටධර්‍මසුඛ විහරණයෙහි (පල සමවත් සුවෙහි) යෙදී වසනසේක්වා. භික්ෂු සඞ්ඝයා මට බාරදෙනසේක්වා. මම් භික්ෂුසඞ්ඝයා පරිහරණය කරන්නෙමි (පාලනය කරන්නෙමි)”යි කීහ.
දෙව්දතුනි, මම සැරියුත් මුගලන් දෙදෙනාට ද භික්ෂුසංඝයා බාර නො දෙන්නෙමි. කිමෙක් ද? ළාමකවූ කෙළ බුදින (මිථ්‍යා ජීවිකා යෙන් දිවි පවත්වන) ඔබට භික්ෂුසඞ්ඝයා බාර දෙම් ද? (බාර නො දෙමි) යි භාග්‍යවතුන් වහන්සේ වදාළසේක.
මහානායක, අනුනායක ආදී පදවි ශාසන අනූලෝම පත්කිරීම් නොවෙයි. එසේ වීත් ලැජ්ජැවක් නැතුව එබඳු තානාන්තර දරන අභාග්‍යසම්පන්න කාලකණ්ණි හැත්තකගේම උවමනාවට එබඳු කාලකණ්ණින්ගෙන් සමන්විත ජනාධිපති උපදේශක මණ්ඩලයක් පත්කරගෙන කුමන සෞභාග්‍යයක් බලාපොරොත්තු වන්නද? රාජ්‍ය පාලනයට උපදෙස් දෙන්න පැමිණීමට කලින් ශාසනයට සිදුව ඇති විපත්වලට පිළියම් යොදා එන ලෙස දන්වා කාලකණ්ණි හැත්ත එළවා දාන්නයි තිබ්බේ.
සබැඳි: